Qeyri-neft ixracında kənd təsərrüfatı məhsullarının payı 50 faizə yaxındır
Bakı, 7 iyul, AZƏRTAC
Hazırda qeyri-neft ixracında kənd təsərrüfatı məhsullarının payı 50 faizə yaxındır. Bu, qeyri-neft sektoru üzrə ixracda regionların və aqrar sahənin xüsusi paya malik olmasından xəbər verir.
AZƏRTAC Dövlət Vergi Xidmətinə istinadla xəbər verir ki, bu sözləri Milli Məclisin deputatı Vüqar Bayramov qeyri-neft ixracında kənd təsərrüfatı məhsullarının payından danışarkən deyib.
“Bu baxımdan, qeyri-neft ixracında artımlar həm də aqrar sektorun inkişafını göstərən faktorlardan biri kimi qiymətləndirilə bilər. İxrac üçün ölkəmizin potensialı böyükdür, daha böyük ixrac imkanları var. Növbəti mərhələdə hədəf aqrar və sənaye məhsullarının ixracının artırılmasına nail olmaqdır. Bu, qeyri-neft ixracının strukturunun diversifikasiyası baxımından da vacibdir”, - deyə V.Bayramov vurğulayıb.
Bölmənin digər xəbərləri
