MƏDƏNİYYƏT
QİYMƏTLİ TƏDQİQAT ƏSƏRİ
Azərbaycan Milli Elmlər Akademiyasının “Elm” redaksiya, nəşriyyat və poliqrafiya mərkəzi AMEA-nın müxbir üzvü, biologiya elmləri doktoru, professor Qərib Məmmədovun “Azərbaycanın torpaq ehtiyatları” kitabını çapdan buraxmışdır.
Azərbaycan təkcə əlverişli coğrafi məkanda yerləşməsi ilə deyil, həm də torpaq örtüyünün zənginliyi ilə diqqəti cəlb edir. Bu zənginlik nədən ibarətdir? Bu suala kitabda ətraflı cavab verilmişdir.
Kitabda ölkəmizin zəngin torpaq ehtiyatları, ayrı-ayrı torpaq tipləri, torpaq islahatı nəticəsində dövlət mülkiyyətində saxlanılan, bələdiyyə və xüsusi mülkiyyətə verilən torpaq sahələri barədə, eləcə də, torpaqların kateqoriyalar və keyfiyyət qrupuna görə bölgüsü haqqında, həmçinin kənd təsərrüfatına yararlı torpaq sahələri haqqında məlumatlar geniş şərh və təhlil edilmişdir.
Q.Məmmədovun oxuculara təqdim olunan bu qiymətli tədqiqat əsəri Azərbaycan Kənd Təsərrüfatı Akademiyasının, digər ali və orta ixtisas məktəblərində fəaliyyət göstərən müvafiq fakültələrin tələbələri, aqrar elmlə məşğul olan alimlər, aspirantlar üçün də faydalıdır.