Qızlar arasında keçirilən rəqs müsabiqəsinə qeydiyyat başlayıb
Bakı, 2 mart, AZƏRTAC
Martın 8-də “Dəniz Mall” Ticarət Mərkəzində “Cavan” Gənclər Hərəkatının təşəbbüsü və təşkilatçılığı ilə 8 Mart - Beynəlxalq Qadınlar Günü münasibətilə “Ritmə qarşı” adlı qızlar arasında rəqs müsabiqəsi təşkil olunacaq.
Hərəkatdan AZƏRTAC-a bildiriblər ki, layihənin keçirilməsində məqsəd yeni nəsil arasında incəsənətin bu növünə olan marağı artırmaq, cəmiyyətdəki stereotipləri aradan qaldırmaq, yetişməkdə olan gənc istedadların tanınması və bacarıqlarının nümayiş etdirilməsinə dəstək olmaqdır.
Müsabiqə 16-29 yaş aralığında olan gənc qızları əhatə edəcək.
“All styles” formatındakı yarışmaya istənilən rəqs növü ilə məşğul olan iştirakçılar qoşula bilərlər.
Qeyd edək ki, layihə Azərbaycan Gənclər Fondunun dəstəyi, “Dəniz Mall”, “Sabina” parfümeriya, “GoSport”, “Nike”, “Courir” və “Sketchers”in tərəfdaşlığı ilə reallaşdırılacaq.
Müsabiqədə iştirak etmək istəyənlər https://forms.gle/yXrpD1h3LJ69CEMe6 linki vasitəsilə qeydiyyatdan keçə bilərlər.
Qaliblər müxtəlif dəyərli hədiyyə və diplomlarla mükafatlandırılacaqlar.
Tamaşaçılar üçün giriş sərbəstdir.
Bölmənin digər xəbərləri
