RAFAEL AĞAYEV TÜRKİYƏDƏ BEYNƏLXALQ MƏŞQ SEMİNARI KEÇİRMİŞDİR
Bakı, 23 oktyabr (AZƏRTAC). Türkiyədə WKF versiyasında karate üzrə “İnternational İstanbul Open karate tournament” ənənəvi beynəlxalq turniri başa çatmışdır. Turnirdə 20-dən çox ölkənin karateçiləri içtirak etmişlər. Turnirdən əvvəl dünya çempionları Rafael Ağayevin (Azərbaycan) və Haldun Alaqasanın (Türkiyə) rəhbərliyi ilə karate üzrə beynəlxalq məşq seminarı keçirilmişdir.
İkigünlük ustad dərslərində 10 ölkənin təmsilçiləri, o cümlədən “Konas” ixtisaslaşdırılmış uşaq-gənclər olimpiya idman ehtiyatları məktəbinin təlimatçısı Anton Baybarodov və karate bölməsinin böyük məşqçi-müəllimi Andrey Savçenko iştirak etmişlər.
Azərbaycan yığması turnirdə 3 medal qazanmışdır. Kadetlər arasında (14-15 yaş) kumite yarışlarında Elmin Ağayev (52 kq), gənclərin (18 yaş) yarışında Rafael Ağayev (75 kq) qızıl medala, 16-17 yaşlı yeniyetmələrin yarışında isə Səid Quliyev (75 kq) bürünc medala layiq görülmüşlər.
Bölmənin digər xəbərləri
