RƏFİQ HƏRİRİNİN QATİLİNİ DİŞLƏRİNƏ GÖRƏ MÜƏYYƏNLƏŞDİRMİŞLƏR
Ekspertlər ehtimal olunan qatilin Həririnin avtomobil karvanının partladıldığı yerdən tapılan diş və bədəninin 33 parçasını öyrənmişlər. Müstəntiqlərin fikrincə, qatil əslən livanlı deyildir. Ekspertlər dişi tədqiq edərək müəyyənləşdirmişlər ki, onun yuxarı qabaq dişi livanlılarda nadir hallarda rast gəlinən fərqləndirici xüsusiyyətə malikdir. Brammerts demişdir ki, terrorçu təxminən 21-22 yaşlarında idi və Həririnin qətlinədək Livanda ən çoxu 3 ay yaşamışdır. Bundan əlavə, istintaq müəyyənləşdirmişdir ki, terror aktı zamanı istifadə olunmuş bombanın gücü trotil ekvivalentində 1800 kiloqram təşkil etmişdir.
R.Həriri 2005-ci il fevralın 14-də Beyrutda bomba partlayışı nəticəsində həlak olmuşdur. Bomba onun avtomobil karvanının hərəkət etdiyi yolda saxlanılan maşına qoyulmuşdu. Terror aktı nəticəsində Baş nazirlə yanaşı, daha 20 adam ölmüşdü.
Bölmənin digər xəbərləri
