“REGİON GƏNCLƏRİNİN MƏŞĞULLUQ İMKANLARININ ARTIRILMASINA DƏSTƏK” LAYİHƏSİNİN İCRASINA BAŞLANMIŞDIR
Bakı, 8 yanvar (AZƏRTAC). Yanvarın 8-də Gənclər və İdman Nazirliyinin maliyyə dəstəyi ilə Gənclər üçün Təhsil Mərkəzi “Region gənclərinin məşğulluq imkanlarının artırılmasına dəstək” layihəsinin icrasına başlamışdır.
Şirvan şəhəri, Sabirabad, Saatlı, Kürdəmir, Ucar, Hacıqabul, İmişli, Beyləqan, Biləsuvar və Füzuli rayonlarını əhatə edəcək layihənin məqsədi region gənclərinin işsizlik probleminin aradan qaldırılmasına, onların məşğulluq imkanlarının artırılmasına və genişləndirilməsinə kömək etməkdir.
Layihə çərçivəsində gənclər üçün müxtəlif təlim proqramlarının və məsləhət xidmətinin təşkili nəzərdə tutulur. Təlim proqramlarında region gəncləri üçün iş tapmağın yolları, iş üçün müraciət, müvafiq sənədlərin hazırlanması, müsahibələrdə iştirak və davranış qaydaları, ünsiyyət qurmaq bacarığı, digər mövzular tədris ediləcəkdir.
Bölmənin digər xəbərləri
