REGİONAL ŞÖBƏ SƏKKİZ RAYONA XİDMƏT GÖSTƏRƏCƏKDİR
Şəkidə DİN-in Pasport Qeydiyyatı İdarəsinin regional şöbəsinin açılışı olmuşdur. İdarədən AZƏRTAC-a bildirmişlər ki, respublikamızın şimal-qərb bölgəsinə xidmət edəcək bu şöbə Prezident Heydər Əliyevin göstərişinə əsasən yaradılmışdır və əhalinin indiyədək üzləşdiyi çətinliklərə son qoyacaqdır.
Açılış mərasimində idarənin rəis müavini, polis polkovniki Fəxrəddin Əliyev, şöbənin rəisi, polis polkovnik-leytenantı Adil Həzrətov çıxış edərək, Şəki, Qax, Zaqatala, Balakən, Oğuz, Qəbələ, İsmayıllı rayonlarını və Mingəçevir şəhərini əhatə edən söbənin iş rejimi və pasportların alınması qaydaları barədə məlumat vermişlər.
Mərasimin sonunda 20 nəfərə yeni pasport təqdim olunmuşdur.
Bölmənin digər xəbərləri
