Respublika Veteranlar Təşkilatı prezident seçkilərini müşahidə edəcək
Bakı, 9 yanvar, AZƏRTAC
“Müharibə, Əmək və Silahlı Qüvvələr Veteranları Təşkilatı 7 fevral - növbədənkənar prezident seçkiləri günü respublika üzrə seçkiləri müşahidə edəcək”.
Bunu AZƏRTAC-a açıqlamasında Müharibə, Əmək və Silahlı Qüvvələr Veteranları Təşkilatının sədr müavini, polkovnik Cəlil Xəlilov bildirib.
O, qeyd edib ki, təşkilat üzvlərinin siyahıları bu günlərdə Mərkəzi Seçki Komissiyasına təqdim olunacaq: “Təşkilatımız və onun çoxminlik üzvləri hər zaman respublikamızın həyatında fəal iştirak edib. Biz bu prosesdən də kənarda qalmırıq. İnanıram ki, veteranlarımız bu məsuliyyətli işin də öhdəsindən müvəffəqiyyətlə gələcək, azad, demokratik seçki prosesinə layiqli töhfə verəcəklər”.
Bölmənin digər xəbərləri
