Ronaldo “Real” klubunun tarixində ən sərrast beş futbolçu arasında yer almışdır
Bakı, 31 oktyabr (AZƏRTAC). “Real” komandasının hücumçusu Kriştiano Ronaldo “Sevilya” ilə oyunda 3 dəfə fərqlənməklə İspaniya çempionatında vurduğu qolların sayını 158-ə çatdırmışdır.
AZƏRTAC xəbər verir ki, bununla da 28 yaşlı portuqaliyalı ulduz qolların sayına görə, Madrid klubunun futbolçuları arasında ilk beşliyə daxil olmuşdur. O, “Sevilya” ilə oyunda vurduğu qolla əfsanəvi Ferens Puşkaşı qabaqlamışdır. Macarıstanlı futbolçunun aktivində 156 qolu var idi.
İlk beşliyə Raul 228 qolla liderlik edir. Alfredo Di Stefano 216, Santilyana 186, Uqo Sançez isə 164 qol vurmuşlar.
Bölmənin digər xəbərləri
