Rumıniya prezidenti Şərqi Avropa ölkələrində NATO qüvvələrinin gücləndirilməsini istəyir
Buxarest, 29 noyabr, AZƏRTAC
Şimali Atlantika Alyansı şərq cinahını gücləndirmək üçün öz strategiyasının həyata keçirilməsini sürətləndirməlidir.
AZƏRTAC xəbər verir ki, bu barədə Rumıniya prezidenti Klaus Yohannis NATO-nun baş katibi Yens Stoltenberqlə danışıqların yekunlarına dair mətbuat konfransında bildirib.
Rumıniya lideri qeyd edib ki, o, alyansın rəhbəri ilə Avroatlantik məkanda təhlükəsizlik vəziyyətini müzakirə edib. Həmçinin NATO-nun modernləşdirilməsini koordinasiya etmək səylərinə görə Y.Stoltenberqə təşəkkür edib.
Klaus Yohannis vurğulayıb ki, NATO-nun güclənməsi təkcə Avro-Atlantik məkanın təhlükəsizliyinə deyil, həm də beynəlxalq nizamın sabitliyinə təsir edir.
İqbal Hacıyev
AZƏRTAC-ın xüsusi müxbiri
Buxarest
Bölmənin digər xəbərləri
