RUSİYA DƏMİR YOLU KUBOKUNUN FİNALÇILARI MƏLUM OLMUŞDUR
AZƏRTAC xarici KİV-lərə istinadla xəbər verir ki, avqustun 1-də Moskvada İtaliyanın “Milan”, İngiltərənin “Çelsi”, İspaniyanın “Sevilya” və yerli “Lokomotiv” komandalarının iştirakı ilə futbol üzrə Rusiya Dəmir Yolu Kuboku uğrunda ikinci turnirə start verilmişdir.
Yarımfinal görüşlərində “Sevilya” “Milan”ı (1:0), “Lokomotiv” isə “Çelsi”ni (əsas vaxt 1:1, onbirmetrlik zərbələrdən sonra 5:4) məğlub etmişdir. Beləliklə, avqustun 3-də finalda “Sevilya” və “Lokomotiv” komandaları, üçüncü yer uğrunda görüşdə isə “Çelsi” və “Milan” klubları qarşılaşacaqlar.
Qeyd edək ki, 2007-ci ildə keçirilmiş ilk turnirin qalibi Hollandiyanın PSV “Eyndhoven” klubu olmuşdu.
Bölmənin digər xəbərləri
