Rusiya diplomatlarının Almaniyadan çıxarılmasını cavabsız qoymayacaq
Moskva, 22 aprel, AZƏRTAC
Rusiya diplomatlarının Almaniyadan çıxarılması barədə qərarı cavabsız qoymayacaq.
AZƏRTAC xəbər verir ki, Rusiya Xarici İşlər Nazirliyi Almaniyadakı diplomatik nümayəndəliklərindən 20 əməkdaşının geri qaytarılması barədə federal hökumətin qərarını pisləyib. Rusiya xarici siyasət idarəsinin saytında yerləşdirilmiş məlumatda deyilir ki, Almaniya tərəfi bu addımı atacağı barədə əvvəlcədən xəbərdarlıq etsə də, mətbuata informasiya sızdırılmayacağını vəd vermişdi. Lakin sonradan Almaniya mətbuatı bu barədə xəbər yayıb.
Rusiya cavab olaraq, Almaniya səfirliyindən diplomatların geri qaytarılması və ölkədəki Almaniya diplomatik nümayəndəliklərinin ştat sayının azaldılması barədə qərar verib.
Almaniyanın Moskvadakı səfiri bu barədə məlumatlandırılıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
