Rusiya təyyarə qəzasında ölənlərin cəsədlərini Ukraynaya verməyə hazırdır
Bakı, 1 mart, AZƏRTAC
Rusiya Belqorod vilayətində İl-76 hərbi təyyarəsinin qəzaya uğraması nəticəsində həlak olanların cəsədlərini Ukraynaya təhvil verməyə hazır olduğunu bildirib.
AZƏRTAC Sinxua agentliyinə istinadla xəbər verir ki, Rusiyanın insan hüquqları üzrə komissarı Tatyana Moskalkova prosessual nöqteyi-nəzərindən hər şeyin qaydasında olduğunu qeyd edib. O, cəsədlərin yalnız mövcud prosedurlara əsasən təhvil verilə biləcəyini deyib.
Xatırladaq ki, yanvarın 24-də Belqorod vilayəti üzərində Rusiyanın İl-76 hərbi-nəqliyyat təyyarəsi vurulub. Moskva vurulan təyyarədə mübadilə üçün 65 ukraynalı əsirin olduğunu iddia edir. Onlarla birlikdə üç rusiyalı zabitin və altı ekipaj üzvünün də öldüyü deyilir.
Bölmənin digər xəbərləri
