Rusiyada bir gündə 5241 nəfər koronavirusa yoluxub
Moskva, 7 avqust, AZƏRTAC
Ötən gün Rusiyada daha 5 min 241 nəfərdə koronavirus infeksiyası aşkar edilib.
AZƏRTAC xəbər verir ki, gün ərzində 119 xəstə vəfat edib, 7235 nəfər sağalaraq evə buraxılıb. Ən çox yoluxma halı yenə də Moskvada (686) qeydə alınıb.
Rusiyada bütün dövr ərzində koronavirus infeksiyasına yoluxanların ümumi sayı 887 min 135 nəfərə çatıb, sağalanların sayı 683 min 592 nəfərdir, 14 min 725 pasiyent vəfat edib.
Rusiya COVID-19 xəstələrinin sayına görə ABŞ, Braziliya və Hindistandan sonra dördüncü yerdədir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
