RUSİYANIN BİRİNCİ PREZİDENTİ BORİS YELTSİN VƏFAT ETMİŞDİR
AZƏRTAC Rusiya Prezidentinin mətbuat xidmətinə istinadla xəbər verir ki, ölkənin birinci Prezidenti Boris Yeltsin aprelin 23-də Moskvanın Mərkəzi klinik xəstəxanasında 76 yaşında vəfat etmişdir. RF Prezidentinin işlər müdirinin məlumatına görə, onun vəfatına şiddətlənən xəstəliyi ilə əlaqədar bütün daxili orqanların fəaliyyətinin pozulması səbəb olmuşdur.
Məlum olduğu kimi, 1931-ci il fevralın 1-də doğulan Yeltsinin ürəyi xəstə idi və onda aorto-tac şuntlaması üzrə cərrahiyyə əməliyyatı aparılmışdı.
1991-ci ildə Rusiyanın ilk prezidenti seçilən Boris Yeltsin 1996-cı ildəki seçkilərdə də qalib gəlmişdi. Lakin o, 1999-cu il dekabrın 31-də prezident səlahiyyətlərini öz üzərindən götürmüş və ölkə Konstitusiyasına uyğun olaraq, Baş nazir Vladimir Putinə vermişdir.
Bölmənin digər xəbərləri
