RUSİYANIN XARİCİ İŞLƏR NAZİRİ ÖZBƏKİSTANDA SƏFƏRDƏ OLMUŞDUR
Sergey Lavrovun Özbəkistan Prezidenti İslam Kərimovla görüşündə bildirilmişdir ki, ikitərəfli ticarət-iqtisadi əməkdaşlıq iqtisadiyyatın, demək olar, bütün sahələrini əhatə edir. Özbəkistanla Rusiya arasında hərbi-texniki, energetika, ticarət, telekommunikasiya, sığorta, elm, maliyyə-bank sahələrində əlaqələr durmadan genişlənir. Özbəkistanda 400-dən artıq, Rusiyada isə 267 birgə müəssisə fəaliyyət göstərir, Rusiyanın 82 şirkəti Özbəkistanda nümayəndəliyini açmışdır. Qeyd olunmuşdur ki, 2005-ci ilin 7 ayında əmtəə dövriyyəsi 1 milyard 337 milyon dollar təşkil etmişdir.
Sergey Lavrov Özbəkistanın xarici işlər naziri Eler Qəniyevlə də görüşmüş, İqtisadiyyat və Diplomatiya Universitetinin professor və tələbələri qarşısında çıxış etmişdir.
Bölmənin digər xəbərləri
