Ruslan Talıbov: Azərbaycanda 5 fintex şirkəti digər ölkələrin bazarına daxil olub
Bakı, 26 oktyabr, AZƏRTAC
Azərbaycanda 5 fintex şirkəti digər ölkələrin bazarına daxil olub.
AZƏRTAC xəbər verir ki, bunu jurnalistlərə açıqlamasında Azərbaycan Fintex Assosiasiyasının İdarə Heyətinin sədri Ruslan Talıbov deyib.
R.Talıbov bildirib ki, bu sahədə ən mütərəqqi addım qanun layihəsinin qəbulu və qüvvəyə minməsidir. İndiyədək xarici investorlar və ya yerli şirkətlər başqa ölkələrə daxil olmaq istəyəndə o ölkələrin bazar iştirakçıları Azərbaycanda belə bir qanunvericiliyin olub-olmaması ilə maraqlanırlar. Qanunvericilikdən sonra sektorda ciddi təkan gözlənilir: “Hazırda Mərkəzi Bank lisenziyalaşdırma ilə bağlı qaydalar hazırlayır. Bu prosesdə bizimlə də yaxından əməkdaşlıq edilir”.
Bölmənin digər xəbərləri
