Sabirabadda vətəndaşların dini məsələlərlə bağlı müraciətləri dinləniləcək
Bakı, 20 iyun, AZƏRTAC
Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə uyğun olaraq, Dini Qurumlarla İş üzrə Dövlət Komitəsinin sədri Ramin Məmmədov iyunun 25-də Saatlı, Sabirabad, İmişli, Beyləqan və Xocavənd rayonlarından olan vətəndaşları qəbul edəcəkdir.
Bu barədə AZƏRTAC-a Dövlət Komitəsindən məlumat verilib.
Bildirilib ki, qəbul saat 11:00-da Sabirabad rayonundakı Heydər Əliyev Mərkəzində (ünvan: Sabirabad rayonu, Heydər Əliyev prospekti) keçiriləcək.
Komitənin fəaliyyət istiqamətlərinə uyğun olaraq qəbula gəlmək istəyən vətəndaşlardan Dövlət Komitəsinin İmişli bölgəsi üzrə şöbəsinə (əlaqə vasitələri: (021) 246-62-99, (050) 562-72-32, [email protected], [email protected]) müraciət etmələri xahiş olunur.
Bölmənin digər xəbərləri
