Şabranda şadlıq evinin sahibi məsuliyyətə cəlb olunub
Şabran, 25 oktyabr, Elxan Yusifli, AZƏRTAC
Şabranda karantin qaydalarını pozan şadlıq evi rəhbərliyi məsuliyyətə cəlb olunub.
Daxili İşlər Nazirliyinin Mətbuat Xidmətinin Quba regional qrupundan AZƏRTAC-ın bölgə müxbirinə verilən məlumata görə, Şabran Rayon Polis Şöbəsinin əməkdaşlarının keçirdikləri müvafiq tədbirlərlə rayon ərazisində təşkil olunan toy mərasimi zamanı karantin rejimindən irəli gələn qayda və tələblərin pozulması halları müəyyən edilib.
Aparılan yoxlamalar zamanı rayon ərazisində fəaliyyət göstərən “Çinar” şadlıq sarayında təşkil edilən toy mərasimində 175 nəfərin iştirak etdiyi müəyyənləşib. Həmin obyektin sahibi Əhməd Şərifov və toy sahibi Anar Abdullayev barəsində İnzibati Xətalar Məcəlləsinin müvafiq maddəsinə əsasən protokol tərtib olunub.
Bölmənin digər xəbərləri
