Sabunçu rayonunda fəaliyyət göstərən ticarət obyektinin fəaliyyəti dayandırılıb
Bakı, 1 dekabr, AZƏRTAC
Bakının Sabunçu rayonunda 1-ci Zabrat qəsəbəsində Orucov İsmayıl Barat oğluna məxsus ticarət obyektində Qida Təhlükəsizliyi Agentliyinin əməkdaşları plandankənar yoxlama aparıblar.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, yoxlama zamanı qida təhlükəsizliyi sahəsində normativ-hüquqi aktların, sanitariya norma və qaydalarının tələblərinin pozulduğu müəyyən edilib. Müəssisənin qida təhlükəsizliyi qeydiyyatından keçmədən fəaliyyət göstərdiyi məlum olub.
Faktla bağlı məhdudlaşdırıcı tədbirlərin tətbiqi barədə qərar qəbul edilərək müəssisədə işlərin görülməsi, xidmətlərin göstərilməsi dayandırılıb və rəhbərliyi barəsində inzibati protokol tərtib edilib.
Bölmənin digər xəbərləri
