“Şahin” hərbi idman oyununun respublika final mərhələsinə yekun vurulmuşdur
Bakı, 10 may (AZƏRTAC). Cəmşid Naxçıvanski adına Hərbi Liseydə “Şahin” hərbi idman oyununun respublika final mərhələsinin qalibləri müəyyənləşmişdir.
AZƏRTAC xəbər verir ki, final mərhələsində 18 komanda mübarizə aparmışdır. İştirakçılar sıra hazırlığı, darağa patron doldurulması və boşaldılması, avtomatın sökülməsi və yığılması, fiziki hazırlıq, maneələrin dəf olunması və digər mərhələlərdə güclərini sınamışlar.
Gərgin keçən mübarizə şəraitində 1-ci yeri Xətai rayonu 138 saylı məktəb, 2-ci yeri Nəsimi rayonu 23 saylı məktəb, Nizami rayonunun 277 saylı məktəbi isə 3-cü yeri tutmuşlar.
Qalib komandalar diplom, fəxri fərman və qiymətli hədiyyələrlə mükafatlandırılmışlar.
Bölmənin digər xəbərləri
