ŞAHMAT FİQURLARI FORMASINDA MEHMANXANALAR TİKİLƏCƏK
AZƏRTAC xarici KİV-lərə istinadla xəbər verir ki, Beynəlxalq Şahmat Federasiyası (FİDE) 165 üzv ölkənin paytaxtlarında şahmat fiqurları formasında mehmanxanalar və şahmat mərkəzləri tikməyi planlaşdırır. Dördillik layihə 50 milyard dollar sərmayə tələb edir. Federasiyanın prezidenti Kirsan İlyumjinov demişdir ki, cəmi 150 mehmanxana tikiləcəkdir. Layihənin həyata keçirilməsinin ilk mərhələsində təxminən 1 milyard dollar sərmayə yatırmaq lazım gələcəkdir. Şahmat mərkəzlərinin mehmanxanaların və hotellərin Kişinyov, Samara, Yekaterinburq və Xantı-Mansıda inşası barədə artıq razılıq əldə olunmuş, Riqadakı layihə isə müzakirə olunur.
Dubay ərazisində şahmat şəhərinin salınması imkanları isə 2004-cü ildən müzakirə edilir. İlyumjinovun planlarına əsasən, orada 64 min kvadratmetr sahədə 32 bina tikiləcəkdir. Onların arxitekturası şahmat taxtasında yerləşdirilmiş fiqurları xatırladacaqdır.
Bölmənin digər xəbərləri
