Şahzadə Harri Londona ailəsi olmadan səfər edəcək
London, 4 iyul, AZƏRTAC
Böyük Britaniya Şahzadəsi Harri gələn həftə Londona edəcəyi səfərdə həyat yoldaşı Meqan, oğlu Arçi və qızı Lilibetin müşayiəti olmadan iştirak edəcək.
AZƏRTAC BBC-yə istinadla xəbər verir ki, əvvəlcə ailənin birlikdə Londona gəlməsi planlaşdırılsa da, səfər zamanı onlara dövlət hesabına polis mühafizəsinin ayrılmayacağı təsdiqləndikdən sonra bu plan dəyişdirilib. Bununla belə, səfərin London mərhələsindən sonra İngiltərənin Mərkəzi bölgəsinə (Midlands) keçəcəyi vaxt Meqan və uşaqlarının Şahzadə Harrinin yanına qoşulması ehtimalı qalır.
Şahzadə Harri Böyük Britaniyaya ABŞ-nin Kaliforniya ştatına köçdükdən sonra da fəaliyyətini davam etdirdiyi bir sıra xeyriyyə təşkilatlarını dəstəkləmək məqsədilə səfər edir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
