ŞAİR SƏYAVUŞ MƏMMƏDZADƏNİN YENİ KİTABI ÇAPDAN ÇIXMIŞDIR
S.Məmmədzadə “Səma”, “Tver bulvarı”, “Özünütəsdiq”, “Həqiqət sorağında”, “Komendant saatı”, “Günəbaxan insanlar” (Azərbaycan dilində) və başqa şeir toplularının müəllifidir. Yeni topluya onun son on ildə yazdığı ən yaxşı şeirləri daxildir.
AZƏRTAC-ın müxbiri ilə söhbətində şair bildirmişdir ki, kitabının adı üçün Ekkleziastdan iqtibas edilmiş “Daşları yığmaq vaxtıdır” ifadəsini seçmişdir. Çünki artıq dünyanı dağıtmaq yox, qurub-yaratmaq vaxtı gəlib çatmışdır. Dramatizmlə dolu tarixi mərhələ yaşamalarına baxmayaraq, bakılılara xas beynəlmiləlçilik, gələcəyə nikbin baxış kitabda asanlıqla duyulur. Topluda dünyanın hər yerinə səpələnmiş dostlara ithaf edilmiş, Azərbaycan paytaxtının həyatının müxtəlif cəhətlərinə həsr olunmuş, bir sözlə, sırf Bakı ruhu duyulan şeirlər vardır.
Şair XX əsrin böyük istedadlarına - Səməd Vurğuna, Qara Qarayevə, Rəşid Behbudova, Mstislav Rostropoviçə, Fikrət Əmirova, Tofiq Quliyevə, Vladimir Qafarova və başqalarına da şeirlər həsr etmişdir.
Topluda Ukrayna və Bolqarıstan mövzuları da öz ifadəsini tapmışdır. Şair vaxtilə həmin ölkələrdən olan qələm dostları ilə fəal əməkdaşlıq etmiş, bir çox şeirlər yazmışdır.
Bölmənin digər xəbərləri
