Salyanda tibb işçilərinin peşə bayramı qeyd olunmuşdur
Salyan, 17 iyun (AZƏRTAC, Mahir Babayev). Salyanda 17 iyun - səhiyyə işçilərinin peşə bayramı ilə bağlı mərasim keçirilmişdir.
AZƏRTAC xəbər verir ki, tədbir iştirakçıları əvvəlcə ümummilli lider Heydər Əliyevin Salyan şəhərindəki abidəsi önünə gül dəstələri qoyaraq xatirəsini ehtiramla yad etmişlər.
Tədbirdə çıxış edən rayon mərkəzi xəstəxanasının baş həkimi Hüseynağa Həsənov bildirmişdir ki, Salyanda 45 həkim və tibb məntəqəsi, 2 kənd sahə xəstəxanası və digər səhiyyə ocaqlarında 286 həkim, 742 orta tibb işçisi çalışır. Rayonda yaşayan 130 minə yaxın əhalinin sağlamlığı daim diqqət mərkəzidədir deyən baş həkim qeyd etmişdir ki, dövlətimizin başçısının tapşırığı ilə ilin ötən dövründə 63 minə yaxın əhali ilkin profilaktik tibbi müayinəyə cəlb olunmuşdur.
Peşə bayramları münasibətilə tibb işçilərini təbrik edən digər çıxış edənlər də onlara şərəfli işlərində uğurlar arzulamışlar.
Tibb işçiləri onlara göstərilən diqqət və qayğıya görə dövlətimizin başçısına minnətdarlıqlarını bildirmişlər.
Sonda tibb işçilərinin bir qrupuna rayon icra hakimiyyətinin fəxri fərmanı verilmişdir.
Bölmənin digər xəbərləri
