Samux rayonunda evdən oğurluq edən yeniyetmə saxlanılıb
Bakı, 23 yanvar, AZƏRTAC
Samux və Qazax rayonlarında oğurluq edən şəxslər yaxalanıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, yanvarın 21-də Samux rayonu ərazisindəki evlərin birindən 1000 manat pul oğurlamaqda şübhəli bilinən Çobanabdallı kənd sakini olan yeniyetmə rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində saxlanılıb.
Qazax Rayon Polis Şöbəsinin əməkdaşları isə yanvarın 21-də rayon ərazisindəki mağazaların birindən 300 manat, tütün məmulatı və danışıq kartları oğurlamaqda şübhəli bilinən şəhər sakini, əvvəllər məhkum olunmuş S.Abdalovu yaxalayıblar.
Hər iki faktla bağlı araşdırmalar davam etdirilir.
Bölmənin digər xəbərləri
