CƏMİYYƏT
Samux rayonunda yeni tibb məntəqəsi istifadəyə verilmişdir
Samux, 7 sentyabr (AZƏRTAC). Samux rayonunun Qırmızı Samux kəndində yeni tibb məntəqəsi istifadəyə verilmişdir.
AZƏRTAC xəbər verir ki, Yaponiya Hökumətinin “Ot kökləri və insan təhlükəsizliyi qrant yardımı” proqramı çərçivəsində inşa edilən məntəqənin açılış mərasimində çıxış edən Samux Rayon İcra Hakimiyyətinin başçısı Alı Qocayev bu xeyirxah işə görə Yaponiya hökumətinə minnətdarlıq etmiş və rayon mərkəzinə müayinəyə gəlməkdə çətinlik çəkən sakinlərə burada yüksək səviyyədə səhiyyə xidməti göstəriləcəyini diqqətə çatdırmışdır.
Yaponiyanın Azərbaycandakı səfiri Şusuke Vatanabe 2012-ci il dekabrın 22-də Azərbaycan səfirliyi ilə “Gənc liderlər” İctimai Birliyi arasında imzalanmış müqaviləyə əsasən icra olunan layihənin 122 min 98 ABŞ dolları dəyərində olduğunu bildirmiş və demişdir ki, məntəqə Qırmızı Samux kəndi ilə yanaşı, ona yaxın olan kəndlərin 20 minədək sakininə keyfiyyətli tibbi xidməti göstərəcəkdir.
Sonra rəmzi lent kəsilmiş və mərasim iştirakçıları yeni tibb məntəqəsində yaradılan şəraitlə tanış olmuşlar.