“Samuxun Qırmızı kəndində tibb məntəqəsinin tikintisi” layihəsinin təqdimatı olacaqdır
Bakı, 6 sentyabr (AZƏRTAC). Sentyabrin 7-də Yaponiya hökumətinin “Ot kökləri və insan təhlükəsizliyi qrant yardımı proqramı” çərçivəsində həyata keçirilən “Samuxun Qırmızı kəndində tibb məntəqəsinin tikintisi” layihəsinin təqdimatı olacaqdır.
AZƏRTAC xəbər verir ki, təqdimat mərasimində Yaponiyanın Azərbaycandakı səfiri Şusuke Vatanabenin iştirakı gözlənilir.
Bu layihə üzrə qrant sazişi Yaponiyanın ölkəmizdəki səfirliyi ilə “Gənc Liderlər” İctimai Birliyi arasında 2012-ci il dekabrın 22-də imzalanmışdır.
Layihənin əsas məqsədi Samux rayonunun Qırmızı kəndinin və ona qonşu olan beş kəndin 20 min sakininin keyfiyyətli tibbi xidmətlərdən istifadəsini təmin etməkdir.
Layihənin ümumu dəyəri 122 min 98 ABŞ dollarıdır.
Bölmənin digər xəbərləri
