SARAQOSADA HAVA LİMANI 4 SAAT BAĞLI QALMIŞDIR
AZƏRTAC-ın xüsusi müxbiri xəbər verir ki, İspaniyanın şimal-şərqində yerləşən Saraqosa şəhərinin hava limanı separatçı bask təşkilatı ETA tərəfindən terror aktı törədiləcəyi barədə xəbərdən sonra oktyabrın 12-də 4 saat bağlı qalmışdır.
Hadisə yerinə gəlmiş polislər hava limanında dörd saat axtarış aparsalar da, heç bir partlayıcı qurğu aşkar etməmişlər.
Hava limanının rəhbərliyinə anonim zəngdən sonra sərnişinlər arasında bir nəfərin olmaması üzündən bütün uçuşlar dayandırılmışdı.
Xatırladaq ki, iyun ayında Saraqosa hava limanında iki qumbara partladılmış, lakin dağıntı və tələfat olmamışdır.
