Şavkat Mirziyoyev: “MDB-nin nəqliyyat şəbəkəsində qalan “darboğazlar” dəhlizlərin səmərəliliyini azaldır
Astana, 10 oktyabr, AZƏRTAC
MDB-nin nəqliyyat şəbəkəsində “darboğazlar” qalmaqdadır və onlar mövcud dəhlizlərin səmərəliliyini azaldır.
AZƏRTAC Özbəkistan Respublikası Prezidentinin rəsmi saytına istinadla xəbər verir ki, bu sözləri Prezident Şavkat Mirziyoyev MDB Dövlət Başçıları Şurasının Düşənbədə keçirilən iclasında deyib.
O əlavə edib: “Bununla əlaqədar olaraq, bütün nəqliyyat növləri ilə inteqrasiya olunmuş informasiya və logistika mərkəzlərinin yaradılması vacibdir”.
Dövlət başçısı qeyd edib ki, yükdaşıma infrastrukturunun müasirləşdirilməsi üçün özəl investisiyaların cəlb edilməsinin vacibliyi nəzərə alınaraq, Özbəkistanda nəqliyyat sahəsində dövlət-özəl sektor tərəfdaşlığının genişləndirilməsinə dair konfransın keçirilməsi təşəbbüsü irəli sürülüb.
Astana
Bölmənin digər xəbərləri
