Şəhriyar Məmmədyarov Vilhelm Steynits memorialında dördüncü nəticəni göstərib
Bakı, 18 may, AZƏRTAC
Mayın 17-də blits üzrə onlayn Vilhelm Steynits memorialı başa çatıb.
AZƏRTAC xəbər verir ki, Azərbaycan təmsilçisi Şəhriyar Məmmədyarov son 6 turda rusiyalı Piter Svidler, ABŞ şahmatçısı Cefri Ksionq, ispaniyalı David Quiyarro ilə heç-heçə edib. Vyetnamlı Le Quanq Liemə qalib gələn şahmatçımız ukraynalı Anton Korobov və Rusiyanın daha bir təmsilçisi Aleksandr Qrişuka məğlub olub.
Yekun nəticələrə görə şahmatçımız 9,5 xalla 4-cü yeri tutub. Turnirin qalibi 12 xalla norveçli dünya çempionu Maqnus Karlsen olub. Ümumi mükafat fondu 30 min avro olan turnir FIDE-nin və “chess24.com”un təşkilatçılığı ilə keçirilib.
Bölmənin digər xəbərləri
