ŞƏKƏR İSTEHSALI SABİT RİTMDƏ DAVAM EDİR
İmişli rayonunun və Aran bölgəsinin digər rayonlarının təsərrüfatlarında yetişdirilmiş şəkər çuğundurunun emalı tam sürətlə gedir.
AZƏRTAC xəbər verir ki, on minlərlə ton şəkər tozu artıq respublikanın ticarət şəbəkəsinə daxil olmuş, bundan heç də az olmayan həcmdə hazır məhsul isə MDB ölkələrinə göndərilmişdir.
İmişli rayonu respublikanın aqrar sənayesində yeni sahənin təşəbbüsçülərindən biridir. Doğrudur, əvvəllər bütün məhsulu emal üçün xaricə satmaq lazım gəlirdi. Respublikada emal müəssisələri tikildikdən sonra bütün proses konveyerləşdirildi ki, bu da ölkənin ərzaq təhlükəsizliyinin təmin edilməsinə əhəmiyyətli töhfə olmuşdur.
İri emal müəssisəsi olan şəkər zavodunun payına rayonda istehsal edilən bütün məhsulun, demək olar, 78 faizi düşür. Yeri gəlmişkən, İmişli rayonunda sənaye istehsalının ümumi həcmi, son beş ildə, on dəfə artmışdır.
Sahələrdə hələ də yığılmaqda olan şəkər çuğunduru dərhal fermerlər üçün münasib qiymətə zavod tərəfindən alınır. İişli rayonunda emal sənayesi məhsulunun 98 faizi özəl bölmənin payına düşür.
Bölmənin digər xəbərləri
