ŞƏKİDƏ HƏVƏSKAR AÇIQ UŞAQ FUTBOL MƏKTƏBİNİN TƏLİM-MƏŞQLƏRİ KEÇİRİLMİŞDİR
AZƏRTAC-ın müxbiri xəbər verir ki, bu münasibətlə Şəki şəhər stadionunda keçirilən mərasimdə şəhər icra hakimiyyəti başçısının müavini Zərinə Cavadova, gənclər və idman idarəsinin rəisi Vüqar İsgəndərov humanitar xarakterli bu aksiyanın Kopenhagen Kəsişən Mədəniyyətlər Assosiasiyası və Norveç Futbol Federasiyasının birgə əməkdaşlığı ilə həyata keçirildiyini bildirmişlər. Azərbaycanda da artıq geniş vüsət alan bu aksiyanın əsas məqsədi uşaqların futbola olan marağını artırmaq, ayrı-ayrı ölkələr və xalqlar arasında dostluq və idman əlaqələrini daha da genişləndirməkdir.
Rəsmi hissədən sonra uşaqlar stadionda müxtəlif idman növləri ilə məşğul olmuş, futbol oynamış, təlimlər keçmişlər.
Sonda təlim-məşqlərdə iştirak edən bütün uşaqlara Açıq Uşaq Futbol Məktəbləri Assosiasiyasının və şəhər bələdiyyəsinin hədiyyələri, idman geyimləri və ləvazimatı təqdim edilmişdir.
Bölmənin digər xəbərləri
