SEMİNAR NARKOMANİYA İLƏ MÜBARİZƏYƏ HƏSR OLUNMUŞDUR
Azərbaycan Prezidentinin 2000-ci il 15 iyul tarixli Fərmanı ilə təsdiq edilmiş “Narkotik vasitələrin, psixotrop maddələrin və prekursorların qanunsuz dövriyyəsi və narkomanlığın yayılması ilə mübarizə üzrə Dövlət Proqramı”nın icrası ilə bağlı Balakən, Zaqatala, Qax, Şəki, Oğuz və Qəbələ rayonlarında görülmüş işlər barədə həmin rayonların gənclər, idman və turizm idarələri rəhbərlərinin hesabatları dinlənilmiş, bu sahədə mövcud vəziyyət ciddi təhlil edilmiş, narkomaniyanın genişlənməsinin qarşısını almaq üçün nəzərdə tutulan təxirəsalınmaz tədbirlərdən söhbət açılmışdır.
Açıq diskussiya şəraitində keçən seminar-müşavirədə xüsusi vurğulanmışdır ki, narkomaniyaya qarşı mübarizədə daha səmərəli nəticələrə nail olmaq üçün, ilk növbədə, yerlərdə bütün qüvvələr birləşdirilməli və birgə fəaliyyət proqramı tərtib edilməli, uşaq və gənclərin maarifləndirilməsinə, təbliğat və reklam işinin milli-mənəvi dəyərlər baxımından qurulmasına xüsusi diqqət yetirilməli, televiziya kanallarında milli mentalitetimizə uyğun olmayan filmlərin, verilişlərin yayımlanmasına son qoyulmalıdır.
