ELM VƏ TƏHSİL
Seminarda “Şagird-məzun” sistemindən istifadə qaydaları haqqında məlumat verilmişdir
Bakı, 31 oktyabr (AZƏRTAC). Nizami rayonu 220 nömrəli məktəb-liseydə “2013/2014-cü tədris ilində ümumtəhsil müəssisələrinin şagirdləri haqqında məlumatların “Şagird-məzun” sisteminə daxil edilməsi və yekun qiymətləndirmənin aparılması ilə əlaqədar şəhər (rayon) təhsil şöbələri və təhsil müəssisələri tərəfindən yerinə yetiriləcək işlərin təqvim planı üzrə seminar olmuşdur.
Tələbə Qəbulu üzrə Dövlət Komissiyasından AZƏRTAC-a bildirmişlər ki, Nərimanov və Nizami rayonları ümumtəhsil müəssisələri və peşə liseyləri əlaqələndiricilərinin iştirak etdikləri seminarda ümumtəhsil məktəblərində təhsil alanların biliyinin yekun qiymətləndirilməsinin təşkili sektorunun əməkdaşları tərəfindən təqvim planı üzrə yerinə yetiriləcək işlər və “Şagird-məzun” sistemindən istifadə qaydaları haqqında məlumat verilmişdir.
Təqvim planında nəzərdə tutulan işlərin təhsil müəssisələrinin əlaqələndiriciləri tərəfindən vaxtında və dəqiq yerinə yetirilməsinin vacibliyi xüsusi vurğulanmışdır. “Şagird-məzun” sisteminin yeni imkanları haqqında izahat verilmişdir.