Şəmkirdə növbəti qanvermə aksiyası keçirilmişdir
Şəmkir, 31 oktyabr (AZƏRTAC). Şəmkirdə növbəti qanvermə aksiyası keçirilmişdir. Rayon sakinləri aksiyada fəal iştirak etmişlər.
Rayon Mərkəzi xəstəxanasının baş həkimi Nurəddin Əhmədov AZƏRTAC-a demişdir ki, şəmkirlilər belə aksiyalarda həmişə fəallıq nümayiş etdirirlər. Keçən il keçirilən qanvermə aksiyalarında 1000 nəfərdən çox rayon sakini qan verərək öz vətəndaşlıq borcunu yerinə yetirmişdir. Bu il də onlar xüsusi fəallıq nümayiş etdirirlər. Üç gün davam edəcək aksiyanın birinci günü 300 nəfərdən artıq şəmkirli qan vermişdir.
Bölmənin digər xəbərləri
