Sərt karantin rejiminin elan olunduğu rayonlardan Qəbələyə icazəsiz gələn şəxslər cərimələniblər
Bakı, 27 avqust, AZƏRTAC
Qəbələ Rayon Polis Şöbəsinin əməkdaşları rayon ərazisində keçirilən reyd zamanı sərtləşdirilmiş xüsusi karantin rejimi elan edilən şəhər və rayonlardan qaydaları pozaraq, istirahət məqsədilə Qəbələyə gələn şəxslər barəsində inzibati qaydada tədbirlər görüblər.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a verilən məlumata görə, rayon ərazisində hərəkət edən avtomobillər polis əməkdaşları tərəfindən yoxlanış məqsədilə saxlanılıb. Yoxlanış zamanı bəzi sürücü və sərnişinlərin qaydaları pozaraq, rayona gəldikləri müəyyən edilib. Həmin şəxslər barəsində İnzibati Xətalar Məcəlləsinin 211-ci maddəsi ilə cərimə protokolları tərtib olunub.
Bölmənin digər xəbərləri
