SƏUDİYYƏ ƏRƏBİSTANI OKTYABRDA NEFT HASİLATINI GÜNDƏ 1,5 MİLYON BARREL ARTIRACAQ
O demişdir ki, Səudiyyə Ərəbistanı neftə artan tələbatı ödəməyə tam hazırdır və bunun üçün texniki imkanlara malikdir. Bundan başqa, böyük həcmdə yüngül neft ehtiyatları olan Əbu-Səafa və Əl-Katif yataqlarında işlər gələn ay sürətləndiriləcəkdir. Onların istismarına artıq başlanmışdır.
Nazir bildirmişdir ki, gündəlik hasilatı 9,5 milyon barreldən 14,5 milyon barrelə çatdırmaq imkanı vardır. Səudiyyə Ərəbistanı dünya energetika bazarında vəziyyətin gedişini diqqətlə izləyir, qiymətlərin sürətlə artmasının qarşısını almağa çalışır.
Lakin OPEK-in başçısı Purnomo Yusgiantoro bir gün əvvəl demişdir ki, bu təşkilat neftin qiymətinin artmasını dayandırmaq iqtidarında deyildir. Onun sözlərinə görə, hazırda gündə təxminən 30 milyon barrel neft çıxaran OPEK “qara qızıl” hasilatını artırmaq imkanı yoxdur, amma bu, bazarda indiki vəziyyətə təsir göstərməyəcəkdir.
Bölmənin digər xəbərləri
