SƏUDİYYƏ ƏRƏBİSTANINDA BİR FRANSIZ VƏTƏNDAŞI QƏTLƏ YETİRİLMİŞDİR

27.09.2004 [01:29]
Çap et
A⁺ A^-

AZƏRTAC-ın xüsusi müxbiri xəbər verir ki, sentyabrın 26-da Səudiyyə Ərəbistanının Cidda şəhərində bir fransız vətəndaşı ekstremist islamçılar tərəfindən qətlə yetirilmişdir.

Hadisə yerinə gəlmiş polislər tezliklə onun şəxsiyyətini müəyyən etmişlər. Ölkədə yeni layihə həyata keçirən “Tal” şirkətlər qrupunda texnik işləyən 45 yaşlı Loran Barbo ərzaq mağazasından çıxarkən terrorçuların hücumuna məruz qalmış və aldığı iki güllə yarasından yerindəcə keçinmişdir.

Ölkədə əcnəbi vətəndaşların ovuna çıxmış terrorçular bundan bir neçə gün əvvəl britaniyalı mühəndisi qətlə yetirmişdilər.

Xatırladaq ki, 2003-cü ilin mayından bu günə qədər Səudiyyə Ərəbistanında 90 əcnəbi vətəndaş terrorçuların qurbanı olmuşdur.