Şəxsi inkişaf insanı motivasiya edərək məqsədinə yaxınlaşdıran prosesdir
Masallı, 13 mart, Bağır Əliyev, AZƏRTAC
"Masallı gənclər evi" sosial xidmət müəssisəsinin təşkilatçılığı və gənclərin iştirakı ilə "Şəxsi inkişaf və motivasiya" mövzusunda onlayn təlim keçirilib.
AZƏRTAC-ın bölgə müxbiri xəbər verir ki, onlayn tədbirdə çıxış edən sosial xidmət müəssisəsinin metodisti Tural Sadıqov şəxsi inkişafı insanın özünü tanıyaraq, nöqsanlarını aşkar edib müəyyən olunan hədəflərə çatdıran proses adlandırıb.
Təlimçi Ramal Şükürov çıxışında qeyd edib ki, şəxsi inkişaf ömür boyu davam edən bir prosesdir.
Diqqətə çatdırılıb ki, motivasiyadan danışarkən tələbat və ehtiyac və mükafatlandırma anlayışlarından geniş istifadə olunur. Tələbat dedikdə, insanın keyfiyyətlərindən asılı olaraq özünəxas ehtiyaclar nəzərdə tutulur. Ehtiyac isə insanın müəyyən bir məqsədə xidmət edəcək nəyinsə çatışmazlığını hiss etməkdir.
Onlayn tədbirdə gəncləri maraqlandıran suallar cavablandırılıb.
Bölmənin digər xəbərləri
