CƏMİYYƏT
Şəxsi maraqlar ictimai məsuliyyət hissini unutdurmamalıdır! VİDEO
![](/files/galleryphoto/2024/1/1200x630/17079914931759920708_1200x630.jpg)
![](/files/galleryphoto/2024/1/1200x630/17079914934357433600_1200x630.jpg)
Bakı, 15 fevral, AZƏRTAC
Sosial şəbəkədə "Esma Nur" adı ilə tanınan Axundzadə Əsmər Roman qızı idarə etdiyi 77-ES-777 qeydiyyat nişanlı, "Range Rover" markalı avtomobillə videoçəkiliş aparmaqla kobud qayda pozuntularına yol verdiyi üçün Dövlət Yol Polisi (DYP) əməkdaşları tərəfindən saxlanılıb.
DYP-dən AZƏRTAC-a verilən məlumata görə, aktiv sosial şəbəkə istifadəçisi olan xanım sürücü araşdırma zamanı çoxsaylı izləyici toplamaq məqsədilə inzibati qayda pozuntusu törətdiyini etiraf edib və əməlindən peşman olduğunu bildirib. Törətdiyi əməlin mahiyyəti və doğurduğu mənfi nəticələr barədə sürücü ilə izahedici söhbətlər aparılmaqla barəsində qanunvericiliyə uyğun inzibati tənbeh tədbirləri görülüb.
Baş Dövlət Yol Polisi İdarəsi reytinq naminə yayımlanan bu tip materialların yol hərəkəti iştirakçıları, xüsusilə uşaq və yeniyetmələr arasında yanlış anlaşıldığını, onlarda analoji qəbahətlərə yol vermək həvəsi yaradığını bir daha qeyd edir və belə neqativ təzahürlərin sürücü intizamına, cəmiyyətdə yol hərəkəti mədəniyyətinin formalaşmasına mənfi təsir göstərdiyini nəzərə alaraq, əhalini, xüsusilə tanınmış şəxsləri, blogerləri, aktiv sosial şəbəkə istifadəçilərini bu sahədə məsuliyyətli olmağa çağırır.
Qeyd edək ki, videoçəkiliş zamanı Axundzadə Əsmər Roman qızının “Range Rover" markalı avtomobili saatda 200 kilometr sürətlə idarə etdiyi müəyyən olunub.