Şimali Kipr Türk Respublikasının Prezidenti Azərbaycan xalqını Milli Dirçəliş Günü münasibətilə təbrik edib
Bakı, 17 noyabr, AZƏRTAC
Şimali Kipr Türk Respublikasının Prezidenti Ersin Tatar 17 Noyabr - Milli Dirçəliş Günü münasibətilə Azərbaycan xalqını təbrik edib.
AZƏRTAC xəbər verir ki, Ersin Tatarın Milli Dirçəliş Günü münasibətilə tviter hesabında etdiyi paylaşımda deyilir: “34 il əvvəl - 1988-ci il noyabrın 17-də Bakıdakı Azadlıq meydanında toplaşan iki milyon azərbaycanlı qardaşımız müstəqillik məşəlini yandıraraq Azərbaycan dövlətini qurdu. Azərbaycan xalqını 17 Noyabr - Milli Dirçəliş Günü münasibətilə təbrik edir, ən səmimi ehtiramımı və sevgilərimi çatdırıram”.
Bölmənin digər xəbərləri
