SİMFEROPOLDA ÖMƏROVLARIN QƏTLİNDƏ ŞÜBHƏLİ BİLİNƏN ŞƏXSLƏR YAXALANDILAR
O, mebel ustası adı ilə Ömərovların mənzilinə gəlmiş və evdar qadın qapını açan kimi, silahla hədələyərək pul və zinət əşyaları tələb etmişdir, Sərvər Ömərov onun tələbini yerinə yetirmədikdə onu da, həyat yoldaşını da öldürmüşdür. Bundan sonra onların mənzilindən 3,2 min dollar, qızıl əşyalar və videoaparat oğurlanmışdır.
S.Ömərov 1944-cü ildə Krım tatarlarının kütləvi sürgünü zamanı uşaq idi. Onların ailəsi Özbəkistana sürüldü. Burada o, yaxşı təhsil alaraq, yüksək vəzifələrdə işləmiş, 10 ilədək Özbəkistanın tikinti naziri olmuşdu. Krıma qayıtdıqdan sonra yenə də məsul vəzifələrdə çalışırdı. BMT-nin Krımın inkişaf və inteqrasiya proqramı çərçivəsində onun bilavasitə rəhbərliyi ilə yarımadada tatarların yığcam yaşadıqları bir çox qəsəbələrdə su təchizatı, tibbi təminat və təhsil problemləri uğurla həll edilmişdir.
