ŞİRVAN ŞƏHƏRİNDƏ HƏVƏSKAR RƏSSAMLARIN VƏ TƏTBİQİ SƏNƏT USTALARININ ƏSƏRLƏRİNDƏN İBARƏT ZONA SƏRGİSİ AÇILMIŞDIR
AZƏRTAC xəbər verir ki, iyulun 7-də Şirvan şəhərinin “Şirvan” mədəniyyət evində ümummilli lider Heydər Əliyevin 85 illik yubileyinə həsr olunmuş həvəskar rəssamların və tətbiqi sənət ustalarının əsərlərindən ibarət zona baxış-müsabiqəsinin açılışı olmuşdur.
Üç gün davam edəcək sərgi Mədəniyyət və Turizm Nazirliyi və Rəssamlar İttifaqının birgə təşkilatçılığı ilə keçirilir. Sərgiyə Şirvan şəhər, Hacıqabul, Sabirabad, Saatlı, İmişli, Beyləqan, Ağcabədi, Zərdab, Ucar, Kürdəmir, Cəbrayıl, Qubadlı, Zəngilan, Laçın və Füzuli rayonlarının həvəskar rəssamlarının və tətbiqi sənət ustalarının 100-dək əsəri təqdim olunmuşdur.
Tədbirin məqsədi xalq yaradıcılığının mühüm tərkib hissəsi olan həvəskar rəssamların və tətbiqi sənət ustalarının layiqli əsərlərini üzə çıxarmaq, onların təbliği və peşəkarlıq səviyyəsinin yüksəldilməsinə kömək göstərməkdir.
Tədbirin birinci günü 15 müəllifin 37 əsəri respublika sərgisində nümayiş etdirilmək üçün seçilmiş, müəlliflərə Mədəniyyət və Turizm Nazirliyi mədəniyyətşünaslıq üzrə elmi-metodiki mərkəzin fəxri fərmanları təqdim edilmişdir.
Bölmənin digər xəbərləri
