Slovakiya-Ukrayna sərhədində yük maşınlarının uzun növbəsi yaranıb
Bakı, 2 dekabr, AZƏRTAC
Slovakiyanın yük daşıyıcıları sərhədi bağladığı üçün 600-ə yaxın yük avtomobili Ukraynaya doğru hərəkət etmək üçün keçid məntəqəsində növbəyə dayanıb.
AZƏRTAC Rada telekanalına istinadla xəbər verir ki, bu barədə Ukrayna Dövlət Sərhəd Xidmətinin nümayəndəsi Andrey Demçenko bildirib.
Dekabrın 1-də yerli vaxtla saat 15:00-dan etibarən sərhədin Slovakiya tərəfindəki keçid məntəqəsini blokadaya alan fəallar kommersiya yükləri daşıyan ağır maşınların keçidinə mane olurlar. Slovakiya daşıyıcıları Polşadan olan həmkarlarının etiraz aksiyalarına qoşularaq, Avropa İttifaqından ukraynalı rəqibləri üçün güzəştlərin ləğvini tələb ediblər.
Bölmənin digər xəbərləri
