Sloveniyalı idmançı: Gimnastika Azərbaycanda çox sevilir
Bakı, 27 aprel, AZƏRTAC
Dünya kuboku ilə bağlı təəssüratlarım əladır. Yarışın həm təşkilati, həm də rəqabət baxımından səviyyəsini xüsusi qeyd etmək istəyirəm. Gimnastlar bir-birindən gözəl çıxışlar nümayiş etdirirlər. Mən də çalışırdım ki, çıxışımı səhvsiz yerinə yetirim.
Bu sözləri bədii gimnastika üzrə dünya kubokunda iştirak edən sloveniyalı gimnast Yekaterina Vedeneeva AZƏRTAC-a müsahibəsində deyib.
Milli Gimnastika Arenasında atletlərin azarkeşlərin sonsuz dəstəyindən daha da həvəsləndiklərini vurğulayan Sloveniya təmsilçisi bildirib: “Azərbaycanda gimnastikanı sevirlər. Möhtəşəm azarkeş dəstəyi gimnastlara xüsusilə ruh yüksəkliyi bəxş edir və onları qələbələrə ruhlandırır. Belə mötəbər yarışın Bakıda yüksək səviyyədə təşkil olunmasından çox məmnunam”.
Bölmənin digər xəbərləri
