Sorğu: Tramp tərəddüddə qalan bütün yeddi ştatda Baydeni qabaqlayır
Bakı, 1 mart, AZƏRTAC
ABŞ Prezidenti Cozef Bayden qarşıdakı prezident seçkilərinin nəticələrinə təsir edə biləcək tərəddüdlü yeddi ştatın hamısında ölkənin sabiq lideri Donald Trampdan geridə qalıq.
AZƏRTAC xəbər verir ki, bu barədə məlumat Bloomberg agentliyinin dərc etdiyi sorğunun nəticələrində yer alıb.
Yeddi ştatda sorğu iştirakçılarının 48 faizi Donald Trampı, 43 faizi isə Cozef Baydeni dəstəkləyib. Buraya namizədlər arasında fərqlərin çox cüzi olduğu Arizona, Viskonsin, Corciya, Miçiqan, Nevada, Pensilvaniya və Şimali Karolina ştatları daxildir. Həmin ştatlarda Tramp Baydeni 2-9 faiz fərqlə qabaqlayır.
Fevralın 12-dən 20-dək keçirilən sorğuda 5 minə yaxın seçici iştirak edib.
Xatırladaq ki, ABŞ-da növbəti prezident seçkiləri 2024-cü il noyabrın 5-nə təyin olunub. Seçki yarışında əsas mübarizə indiki Prezident Cozef Bayden və sabiq dövlət başçısı Donald Tramp arasında gedir.
Bölmənin digər xəbərləri
