Stolüstü tennisçilərimiz “Çexiya Open” turnirində uğurla çıxış edirlər
Bakı, 10 fevral AZƏRTAC
Çexiyanın Xodonin şəhərində Beynəlxalq Stolüstü Tennis Federasiyasının reytinq yarışlarına daxil olan “Çexiya Open” turnirində şəxsi oyunlar başa çatıb.
Azərbaycan Stolüstü Tennis Federasiyasından AZƏRTAC-a bildirilib ki, 36 ölkədən 301 idmançının qatıldığı çempionatda oğlan tennisçilərimiz qızıl və gümüş medal qazanıblar.
Tennisçilərimiz Yang Xinyu və Vanq Çenxi dörddəbir finalda Danimarka və Çexiya, yarımfinalda isə Almaniya və Moldova idmançılarına qalib gələrək finala çıxıblar. Final oyunu iki Azərbaycan tennisçisi arasında keçirilib.
Qeyd edək ki, çempionat komanda yarışları ilə davam edir.
Bölmənin digər xəbərləri
