Sulafa Abdelrazik: ANAMA azad olunmuş ərazilərin minalardan təmizlənməsi üçün böyük səylər göstərir
Bakı, 18 noyabr, AZƏRTAC
Bu mənim Azərbaycana ilk səfərimdir. Biz noyabrın 15-də gəlmişik. Ertəsi gün işğaldan azad olunmuş Ağdam rayonunu görmək şansımız oldu.
AZƏRTAC xəbər verir ki, bunu Bakıda “Mina təhlükəsi ilə mübarizə: çağırışlar və imkanlar” mövzusunda keçirilən beynəlxalq tədbirdə iştirak edən Sudanın Milli mina əleyhinə fəaliyyət Mərkəzinin nümayəndəsi Sulafa Abdelrazik jurnalistlərə deyib.
Ağdama səfərlə bağlı təəssüratlarını bölüşən S.Abdelrazik deyib: “Burada gördüklərimiz bizi çox sarsıtdı. Minalar Ağdama böyük ziyan vurub”.
O, eyni zamanda, Azərbaycan Respublikasının Minatəmizləmə Agentliyinin (ANAMA) işğaldan azad edilmiş ərazilərin təmizlənməsi üçün göstərdiyi böyük səyləri vurğulayaraq, regionda aparılan genişmiqyaslı tikinti-bərpa işlərini, o cümlədən infrastrukturun bərpası və yolların tikintisini yüksək qiymətləndirib.
Bölmənin digər xəbərləri
