Sumqayıtda istirahət məkanları hazır vəziyyətə gətirilib, dezinfeksiya işləri aparılıb
Sumqayıt, 18 may, Ətrabə Rzayeva, AZƏRTAC
Ölkəmizdə tətbiq olunan karantin rejimi ilə əlaqədar olaraq bulvar və parklara girişlərə qoyulan məhdudiyyət aradan qaldırıldıqdan sonra həmin ərazilərdə quraşdırılan dəmir məhəccərlərin götürülməsinə başlanılıb.
AZƏRTAC xəbər verir ki, bununla əlaqədar olaraq Sumqayıt şəhərində park və xiyabanlar əhalinin istirahəti üçün hazır vəziyyətə gətirilib. Belə ki, sözügedən ərazilərdə təmizlik-dezinfeksiya işləri aparılıb, xüsusi karantin rejimi dövründə götürülən oturacaqlar yerlərinə qaytarılıb.
Nazirlər Kabineti yanında Operativ Qərargahın qərarına əsasən, mayın 18-dən saat 00:00-dan etibarən bulvar, park və istirahət məkanlarına girişə tətbiq olunan məhdudiyyət 10 nəfərdən artıq qruplarda cəmləşməmək şərti ilə götürülüb.
Xatırladaq ki, martın 29-dan Azərbaycanda bulvar, park və istirahət məkanlarına giriş məhdudlaşdırılıb.
Bölmənin digər xəbərləri
